ਡਰੱਗ ਕੰਟਰੋਲ ਅਫਸਰ ਨੇ ਰਾਮਨਗਰ ਕਰਨਾਲ ਦੇ ਬੰਟੀ ਮੈਡੀਕੋਜ਼ ‘ਤੇ ਛਾਪਾ ਮਾਰਿਆ
ਗਰਭਪਾਤ ਲਈ ਵਰਤੀਆਂ ਜਾਣ ਵਾਲੀਆਂ ਦਵਾਈਆਂ ਅਤੇ ਐਮਟੀਪੀ ਪਿੱਠ ਨਾਜਾਇਜ਼ ਮਿਲਣ ਤੇ ਦੁਕਾਨ ਨੂੰ ਕੀਤਾ ਸੀਲ 
ਕਰਨਾਲ 21 ਫਰਵਰੀ (ਪਲਵਿੰਦਰ ਸਿੰਘ ਸੱਗੂ)
ਡਿਪਟੀ ਕਮਿਸ਼ਨਰ ਅਨੀਸ਼ ਯਾਦਵ ਦੀਆਂ ਹਦਾਇਤਾਂ ਅਨੁਸਾਰ ਡਰੱਗ ਕੰਟਰੋਲ ਅਫ਼ਸਰ ਸੰਦੀਪ ਹੁੱਡਾ ਨੇ ਜ਼ਿਲ੍ਹੇ ਵਿੱਚ ਐਮਟੀਪੀ ਦਵਾਈਆਂ ਦੀ ਗੈਰ-ਕਾਨੂੰਨੀ ਵਿਕਰੀ ਨਾਲ ਸਬੰਧਤ ਦਵਾਈਆਂ ਦੇ ਸਟੋਰ ’ਤੇ ਛਾਪੇਮਾਰੀ ਕੀਤੀ।ਇਸ ਦੌਰਾਨ ਰਾਮਨਗਰ ਕਰਨਾਲ ਸਥਿਤ ਬੰਟੀ ਮੈਡੀਕੋਜ਼ ‘ਤੇ ਛਾਪੇਮਾਰੀ ਕੀਤੀ ਗਈ। ਦੁਕਾਨ ਵਿੱਚ ਗਰਭਪਾਤ ਲਈ ਦਿੱਤੀਆਂ ਜਾਣ ਵਾਲਿਆ ਦਵਾਈਆਂ, ਐਮਟੀਪੀ ਕਿੱਟ ਗੈਰ-ਕਾਨੂੰਨੀ ਢੰਗ ਨਾਲ ਰੱਖੀ ਹੋਈ ਪਾਈ ਗਈ। ਫਰਮ ਦਾ ਮਾਲਕ ਐਮਟੀਪੀ ਕਿੱਟ ਨਾਲ ਸਬੰਧਤ ਕੋਈ ਵੀ ਖਰੀਦ ਅਤੇ ਵਿਕਰੀ ਬਿੱਲ ਨਹੀਂ ਦਿਖਾ ਸਕਿਆ। ਡਰੱਗ ਐਂਡ ਕੈਮੀਕਲ ਐਕਟ ਤਹਿਤ ਕਾਰਵਾਈ ਕਰਦੇ ਹੋਏ ਡਰੱਗ ਕੰਟਰੋਲ ਅਫਸਰ ਨੇ ਐਮ.ਟੀ.ਪੀ ਕਿੱਟ ਬਰਾਮਦ ਕਰਕੇ ਆਪਣੇ ਕਬਜ਼ੇ ਵਿਚ ਲੈ ਲਈ ਹੈ। ਇਸ ਤੋਂ ਇਲਾਵਾ ਮੌਕੇ ‘ਤੇ ਗੈਰ-ਕਾਨੂੰਨੀ ਤੌਰ ‘ਤੇ ਰੱਖੇ ਅਲਪਰਾਜ਼ੋਲਮ ਦਵਾਈ ਦੀਆਂ ਗੋਲੀਆਂ ਦੇ 11 ਪੱਤੇ ਵਾਲੀਆਂ ਦਵਾਈਆਂ ਦੇ ਦੋ ਬੈਚ ਵੀ ਬਰਾਮਦ ਹੋਏ।ਜਿਸ ਦਾ ਰਿਕਾਰਡ ਉਹ ਪੇਸ਼ ਨਹੀਂ ਕਰ ਸਕਿਆ। ਅਲਪਰਾਜ਼ੋਲਮ ਦਵਾਈ ਨਸ਼ੀਲੇ ਪਦਾਰਥਾਂ ਦੇ ਆਦੀ ਲੋਕਾਂ ਦੁਆਰਾ ਨਸ਼ੀਲੇ ਪਦਾਰਥ ਵਜੋਂ ਲਈ ਜਾਂਦੀ ਹੈ। ਜਾਂਚ ਲਈ ਦੋਵਾਂ ਦਵਾਈਆਂ ਦੇ ਸੈਂਪਲ ਭਰੇ ਗਏ। ਜਿਸ ਨੂੰ ਜਾਂਚ ਲਈ ਸਰਕਾਰੀ ਐਨਾਲਿਸਟ ਹਰਿਆਣਾ ਕੋਲ ਭੇਜਿਆ ਗਿਆ ਹੈ। ਦਵਾਈਆਂ ਦੀ ਦੁਕਾਨ ਨੂੰ ਮੌਕੇ ‘ਤੇ ਹੀ ਸੀਲ ਕਰ ਦਿੱਤਾ ਗਿਆ, ਤਾਂ ਜੋ ਇਸ ਤਰ੍ਹਾਂ ਦੀ ਅਪਰਾਧਾ ਨੂੰ ਰੋਕਿਆ ਜਾ ਸਕੇ।